Qyzylordada bes aýdanda koronavırýs juqtyrǵandar tolyǵymen jazylyp ketti
QYZYLORDA. QazAqparat - Qyzylorda oblysynda bes aýdanda koronavırýs ınfektsııasy dıagnozy qoıylǵan naýqastar tolyq jazyldy, dep habarlaıdy QazAqparat tilshisi.
Búginge deıin oblysta 231 adam qaterli indetti juqtyrǵan. Onyń 181-i atalǵan dertten aıyǵyp shyqty.
Atap aıtqanda, Shıelide - 66, Jańaqorǵanda - 31, Syrdarııada - 26, Qarmaqshyda - 5, Qazalyda - 3 naýqastyń barlyǵy tolyqtaı em qabyldap, úılerine oraldy. Al Qyzylorda qalasynda - 94 naýqastyń 46-sy, Aral aýdanynda - 6 naýqastyń tórteýi tolyq emdeldi.
«Búgin saǵat 14:30-degi jaǵdaıy boıynsha aımaǵymyzda koronavırýs indetinen taǵy 9 naýqas emdelip shyqty. Olardyń emi tolyq aıaqtalǵan soń, 2 ret test synamasy alyndy. Synama nátıjesi teris kórsetkish kórsetti. Olar aýrýhanadan úılerine qaıtaryldy. Іndetti jeńgen 9 naýqastyń altaýy - Qyzylorda qalasynan bolsa, bireýi - Qarmaqshy, taǵy biri - Qazaly, bir adam - Jańaqorǵan aýdandarynan. Emdelýshiler aldaǵy ýaqytta 14 kún boıy aımaqtyq dárigerler baqylaýynda bolady», - dep málim etti Qyzylorda oblystyq densaýlyq saqtaý basqarmasy.
