Qyzylordada belgili kompozıtor Beksultan Baıkenjeevti eske aldy
Atalmysh kesh Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalyq maqalalary aıasynda ótti.
Beksultan Baıkenjeev 1949 jyly 7 qarashada Qyzylorda oblysy Jańaqorǵan aýdanyna qarasty Qosúıeńki aýylynda dúnıege kelgen. 1966 jyly aýdandaǵy №51 orta mektepti bitirgennen keıin aýdandyq mádenıet bóliminde avtoklýb meńgerýshisi boldy. 1968 jyly Qyzylorda pedagogıkalyq ınstıtýtynyń mýzyka fakýltetine túsip, ony 1972 jyly bitirip shyqty. Sol jyldan bastap ómiriniń sońǵy kúnderine deıin aýdan ortalyǵyndaǵy Álshekeı atyndaǵy óner mektebiniń dırektory bolyp kyzmet etti. Stýdent kezinen bastap án jazǵan sazger barlyǵy 150-ge tarta týyndyny dúnıege ákelgen. Onyń 80-nen astamyn halyq osy kúnge deıin asqaq sezimmen oryndap keledi.
Keshke kompozıtordyń uly, Jańaqorǵan aýdanyndaǵy Baıkenjeev atyndaǵy óner mektebiniń dırektory Ábsultan Beksultanuly qatysty. Sonymen qatar, sazgerdiń inisi, ánshi Jumabaı Shernııazov jáne ánshi Úmit Medeýova qatysty. Kesh barysynda kompozıtordyń el arasynda keńinen tanymal bolǵan «Aqsholpan», «Aqgúlim», «Syrdarııa», «Jańaqorǵan» ánderi shyrqaldy. Beksultan Baıkenjeev týraly estelikter aıtyldy. Sondaı-aq sazger-ánshiniń ómir joly men shyǵarmashylyǵy jaıynda málimetter qoıylǵan kitap kórmesi usynyldy.
