Qyzylordada belgili kásipkerdiń joǵalýy: Qylmystyq is qozǵaldy

QYZYLORDA. QazAqparat - Qyzylordada belgili kásipker Tynymbaı Bajenovtiń iz-tússiz ketýine baılanysty qylmystyq is qozǵaldy. Ol 15 aqpannan beri tabylmaı jatyr, dep habarlaıdy QazAqparat tilshisi oblystyq prokýratýraǵa silteme jasap.

«Kásipkerdi izdeý jumystary jalǵasýda. 24 aqpan kúni oblystyq prokýratýra jáne polıtsııa departamenti basshylarymen osy máselege baılanysty arnaıy jınalys ótkizildi. T. Bajenovtyń iz-tússiz ketýine baılanysty QR Qylmystyq kodeksiniń 99-babyna (kisi óltirý) sáıkes is qozǵaldy. Qalǵan málimetter tergeý qupııalyǵyna baılanysty jarııa etilmeıdi», - delingen habarlamada.

Qylmystyq is oblystyq prokýratýra, oblystyq ishki ister basqarmasy basshylarynyń qatań baqylaýynda.

Bajenovtyń belgisiz baǵytqa joǵalyp ketýine baılanysty 24 aqpanda kisi ólimi jónindegi sotqa deıingi tergep tekserý isi oblystyq prokýratýranyń nusqaýyna sáıkes QR QK 99 babymen (kisi óltirý) saralandy. Qazirgi tańda tıisti tergeý amaldary júrgizilýde.

Esterińizge salsaq, buǵan deıin oblystaǵy belgili kásipker Tynymbaı Bajenov joǵalyp ketkeni týraly habarlaǵan bolatynbyz.