Qyzylordada belgili kásipker joǵalyp ketti

QYZYLORDA. QazAqparat - Qyzylordada belgili kásipker Tynymbaı Bajenov eki kúnnen beri tabylmaı jatyr, dep habarlaıdy QazAqparat tilshisi.

Málim bolǵanyndaı, 71 jastaǵy azamat 15 aqpanda tańǵy saǵat 05.00 shamasynda darııa boıynda júgirýge shyǵyp, sodan beri úıine qaıta oralmaǵan.

«Atalǵan derek Qyzylorda qalalyq Polıtsııa basqarmasynda tirkeldi. Qazir jedel izdestirý sharalary júrgizilýde» dep málim etti Qyzylorda oblystyq polıtsııa departamentiniń baspasóz qyzmeti.

Іz-túzsiz ketken azamatty izdestirý sharalaryna oblystyq polıtsııa, tótenshe jaǵdaılar departamentteri qyzmetkerleri jáne «Volontery Qyzylorda» eriktiler toby qatysýda. Ázirge eshqandaı nátıje joq. Іzdestirý jumystary jalǵasýda.