Qyzylordada basseınge batyp kete jazdaǵan balanyń jaǵdaıy aýyr

QYZYLORDA. QazAqparat - Qyzylorda qalasynda basseınge sýǵa túsip, batyp kete jazdaǵan 10 jastaǵy bala qutqaryldy. Qazir balanyń jaǵdaıy aýyr dep baǵalanyp otyr, dep habarlaıdy QazAqparat tilshisi.

Oqıǵa 9 shildede saǵat 12.50 shamasynda bolǵan. Qyzylorda qalasyndaǵy «Araı» akvaparkine sýǵa túspek bolǵan 10 jastaǵy balanyń basseındegi sýǵa batyp kete jazdaǵan.

«Akvapark qutqarýshylary balany der kezinde sýdan shyǵaryp úlgergen. Bala oblystyq balalar aýrýhanasynyń jansaqtaý bóliminde jatyr. Dárigerler balanyń jaǵdaıy aýyr ekenin aıtady», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Qyzylorda oblysy Tótenshe jaǵdaılar departamenti sýǵa túsý kezinde barlyq qaýipsizdik talaptaryn qatań saqtaýǵa shaqyryp otyr.

Eske salsaq, budan buryn Qyzylorda oblysynda bir aıda 9 adam sýǵa ketti.