Qyzylordada bank termınalyn kesken 2 adam ustaldy
Oqıǵa Jalaǵash kentindegi dúkenniń ishinde bolǵan. Aýdandyq polıtsııa bólimine túngi saǵat 3.30 shamasynda saýda ornynda belgisiz berýlerdiń júrgendigi týraly habarlanǵan.
Polıtseıler oqıǵa ornyna dereý jetti. Onda bank termınalynyń birin arnaıy qurylǵymen kesip jatqan eki adamdy ustady. Olardyń aýdan ortalyǵynda turatyn 34 jáne 42 jastaǵy turǵyndar ekeni anyqtaldy.
«Kúdiktiler ýaqytsha ustaý ızolıatoryna qamaldy. Oqıǵa ornynan zattaı dálel retinde qylmys quraldary alyndy. Atalǵan derek boıynsha QR Qylmystyq kodeksiniń 24-babynyń 3 bóligi, 188-3 baptyń 3 bóligine sáıkes (Urlyqqa oqtalý) sotqa deıingi tergep-tekserý amaldary júrgizilýde. Oqıǵanyń mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmetinen.