Qyzylordada balyqtardy qutqarý jumystary júrip jatyr
QYZYLORDA. QazAqparat - Búgin oblys ákiminiń orynbasary Serik Qojanııazov Kókaral bógetindegi balyqtardyń qyrylýyna baılanysty jedel baspasóz konferentsııasyn ótkizdi, dep habarlady QazAqparat tilshisi.
Óńirlik kommýnıkatsııalar qyzmetinde ótken jıynda balyqtardyń qyrylý sebepteri anyqtaldy. Qazir oqıǵa ornynda arnaıy komıssııa jumys jasaýda.
Serik Salaýatulynyń málimdeýinshe, Syrdarııa ózenine bıyl sý mol kelgen. Aral teńizine byltyr 2-2,5 mlrd tekshe metr sý jiberilse, bıyl 1 tamyzǵa deıin 4-4,5 mlrd tekshe metr sý quıylǵan. Syrdarııa ózenindegi mol sýdyń kishi Aral arqyly úlken Aralǵa jiberilýi balyqtardyń qyrylýyna ákep soqqan. Oǵan qosa, kúnniń ysýy men sýdaǵy aýa qysymynyń joǵary bolýy da áser etken.
Balyqtardy qutqarý jumystary 15 qyrkúıekke deıin jalǵasady.
Buǵan deıin Kishi Aralǵa qatysty Kókaral bógetinde balyqtyń qyrylý faktisi tirkelgendigin habarlaǵan bolatynbyz.
