Qyzylordada balyq aýlaýǵa shyqqan turǵyn sýǵa batyp ketti

QYZYLORDA. QazAqparat - Qyzylorda oblysy Qazaly aýdanynda balyq aýlaýǵa shyqqan 55 jastaǵy turǵyn darııaǵa sýǵa ketip qaza boldy, dep habarlaıdy QazAqparat tilshisi.

Oqıǵa Qazaly aýdanyna qarasty Basyqara aýyldyq okrýgine qarasty Á. Tynybaev atyndaǵy kanaldan 5 shaqyrymdaı joǵary bóliktegi darııa boıynda boldy. Jergilikti tótenshe jaǵdaılar bólimine túsken habarlamada balyq aýlaýǵa shyqqan 55 jastaǵy turǵynnyń sýǵa ketip qaza bolǵany aıtylǵan.

«Іzdestirý jumystaryna mamandandyrylǵan №3 órt sóndirý, aýdandyq tótenshe jaǵdaılar, aýdandyq polıtsııa bólimderinen 7 qyzmetker men 3 tehnıka tartyldy. Oǵan aýyldyń 20-ǵa jýyq turǵyny da qatysty», - dep málim etti Qazaly aýdandyq tótenshe jaǵdaılar bóliminiń bastyǵy Altynbek Qalıev.

Balyq aýlaýǵa shyqqan azamattyń máıiti sýǵa batqan jerinen 10 metrdeı qashyqtyqtan tabyldy.

Budan buryn Qyzylordada darııaǵa batyp ketken 13 jasar qyzdyń máıiti tabyldy.