Qyzylordada balyq aýlaýǵa shyǵyp adasqandar qutqaryldy
QYZYLORDA. QazAqparat - Qyzylorda qalasynyń balyq aýlaýǵa shyqqan 3 turǵyny aıdalada adasyp ketken. Olar qutqarýshylardyń kómegimen ázer degende tabyldy, dep habarlaıdy QazAqparat tilshisi.
Balyq aýlaýǵa shyqqan turǵyndar elsiz dalada adasyp qalǵan. Sonyń saldarynan Qyzylorda qalasynan edáýir qashyqqa ketip qalǵan.
«Qyzylorda qalasynyń 3 turǵyny 112 qutqarý qyzmetine habarlasty. Qutqarýshylar dereý iske kiristi. Nátıjesinde olardyń Túrkistan oblysy Sozaq aýdanyna qarasty Taıqońyr aýyly aýmaǵynda júrgeni belgili boldy. Ol Qyzylorda qalasynan 250 shaqyrym qashyqtyqta jatyr. Adasyp ketken turǵyndar qutqaryldy», - dedi Qyzylorda oblysy tótenshe jaǵdaılar departamentiniń memlekettik til jáne aqparat tobynyń jetekshisi Aıgúl Nurmanova.
Osyǵan baılanysty Qyzylorda oblystyq tótenshe jaǵdaılar departamenti turǵyndardy qys mezgilinde balyq jáne ań aýla kezinde qaýipsizdik sharalaryn qatań saqtaýǵa shaqyrady.
Esterińizge sala ketelik, Qyzylordada mal izdeýge shyqqan eki adam kóligimen sýǵa ketti.
Sondaı-aq, Qyzylordada mal izdeýge shyǵyp adasyp ketken turǵyndar qutqaryldy.
