Qyzylordada balyq aýlaýǵa qaıyqpen shyqqan eki adam sýǵa ketti

QYZYLORDA. QazAqparat - Qyzylorda oblysynda balyq aýlaýǵa shyqqan eki azamattyń qaıyǵy aýdarylyp, ózderi sýǵa ketti. Oqıǵalar Aral jáne Jańaqorǵan aýdandarynda tirkeldi, dep habarlaıdy QazAqparat tilshisi.

Jańaqorǵan aýdany aýmaǵyndaǵy №24 temirjol beketi aýmaǵyndaǵy Qarakól kólinde 35 jastaǵy azamattyń qaıyǵy aýdaryldy. Sonyń saldarynan ol sýǵa batyp ketti. Denesi turǵyndardyń kómegimen jaǵaǵa shyǵaryldy.

Osyǵan uqsas jaǵdaı Aral aýdany Qarashalań eldi mekeni aýmaǵynda da boldy. Ol aýyl aýmaǵyndaǵy kólde qaıyqtan qulap, sýǵa ketti. Onyń denesin de turǵyndar jaǵaǵa alyp shyqty.

«Balyq aýlaýǵa shyqqandar kóp jaǵdaıdy saqtyq sharalaryn umytyp ketip jatady. Bul orny tolmas oqys oqıǵalarǵa alyp keledi. Qazir budan buryn sýǵa ketken 5 adamnyń denesi tabylmaı jatyr. Jurtshylyqtan saqtyq sharalaryn qatań saqtaýyn suraımyz», - dedi Órt sóndirý jáne avarııalyq qutqarý qyzmeti MM bastyǵynyń orynbasary, jedel-qutqarý jasaǵynyń basshysy Baqyt Embergenov.

Budan buryn Aral teńizinde eki balyqshy sýǵa ketip, kóz jumdy.