Qyzylordada balkonnan qulap, qaıtys bolǵan áıel jaıynda jańa derekter paıda boldy
Bul oqys oqıǵa tirkelgen kóp beıindi oblystyq aýrýhana basshylyǵy tómendegishe túsinikteme berdi.
Qaıtys bolǵan naýqas 61 jasta, Qyzylorda qalasynyń turǵyny. Aýrýhanaǵa 1 tamyzda jedel járdem brıgadasymen jetkizilgen.
«Naýqas ambýlatorly dıspanserlik esepte turmaıdy. Bas aýrýy, aınalýy, jalpy álsizdik jáne uıqysynyń buzylýyna baılanysty tekserilgen. Nevrolog, psıhıatr mamandary tarapynan qaralǵan, em taǵaıyndalǵan. Jaqsarý bolmaýyna baılanysty jedel járdem kóligimen kópbeıindi oblystyq aýrýhanasyna jetkizilgen. Aýrýhananyń №1 terapııa bólimshesine, «Vertebro-bazılıarly jetispeýshilik sındromy. Asteno-depressıvti jaǵdaı. Arterıaldy gıpertenzııa 2 dárejeli, qaýip faktory 4» dıagnozymen jatqyzylǵan, emi taǵaıyndalǵan», - dep málim etti kópbeıindi oblystyq aýrýhanadan.
Vedomstvo málimetinshe, 6 tamyzda saǵat 16:10-da palatadaǵy balkonnan sekirip ketken. Sol mezette kardıoreanımatsııa bólimshesine jetkizilgen.
«Naýqasqa reanımatsııalyq sharalar jasalǵanmen ol nátıjesiz boldy. Saǵat 17:25-te naýqastyń bıologııalyq ólimi tirkelip, 102-ge habar berildi. Jedel top kýágerler jáne medıtsınalyq qyzmetkerlerden túsinik aldy. Palatada 3 naýqas jatqan. Oqys oqıǵa bolardan buryn buryn olar birge tamaqtanǵan. Bireýi tońazytqyshqa zat qoıýǵa shyqqan. Ekinshi naýqas jýyný bólmesine kirgen. Sol mezette naýqas sekirip ketken.
Máıit sot medıtsınalyq saraptamaǵa joldandy», - dep tolyqtyrdy aýrýhanadan.