Qyzylordada «Balapan» baǵdarlamasy sátti júzege asýda
QYZYLORDA. 4 sáýir. QazAqparat - Qyzylordada «Balapan» baǵdarlamasy sátti júzege asýda. Búgingi tańda Qyzylorda qalasy boıynsha mektepke deıingi bilim berý uıymdarynyń sany 99-ǵa jetti.
Onyń ishinde 20 memlekettik jáne 41 jekemenshik balabaqsha, 38 mektepke deıingi shaǵyn ortalyqtar jumys jasaýda.
Bul týraly qala ákimdiginde ótken turaqty keńes otyrysynda qalalyq bilim bóliminiń bastyǵy Marat Aralbaev habarlady.
Sala basshysynyń aıtýynsha, atalmysh mektepke deıingi bilim berý uıymdarynda 9881 bala tárbıelenýde.
«Balapan» baǵdarlamasynyń mańyzdylyǵyna toqtalǵan qala ákimi Nurlybek Nálibaev sala basshylaryna balabaqshaǵa degen suranysty azaıtý maqsatynda iri kompanııalardyń vedomstvolyq balabaqshalaryn ashý baǵytynda jumystardy jandandyrýdy tapsyrdy.
