Qyzylordada balalardyń tehnopark resýrstyq ortalyǵy ashyldy
QYZYLORDA. QazAqparat - Qyzylordada balalarǵa arnalǵan «IT-imaqorda» tehnopark resýrstyq ortalyǵy ashyldy, dep habarlaıdy QazAqparat tilshisi Qyzylorda oblysy ákimdiginiń baspasóz qyzmetine silteme jasap.
Ortalyqta 3D-sýret salý stýdııasy, robototehnıka jáne 3D-modeldeý sektsııalary, kópshilik aldynda óner kórsetý daǵdylary men shyǵarmashylyq qabiletterin damytýǵa arnalǵan kabınetter, sondaı-aq «DVOREC TV» balalar telearnasy bar. Ortalyq oqýshylar saraıy ǵımaratynda (qalalyq qosymsha bilim berý oqý-ádistemelik ortalyǵy) ashyldy.
Atalmysh ortalyq jumysymen Qyzylorda oblysynyń ákimi Qyrymbek Kósherbaev tanysty. Aımaq basshysy balalarǵa sensorlyq panel syıǵa tartty.
Resýrstyq ortalyq «Artimaq» 3D-sýret salý, «Roboimaq» sporttyq robototehnıka, lego-konstrýktsııalardy bastapqy tehnıkalyq modeldeý jáne qurastyrý úıirmelerin qamtıdy. Sondaı-aq, munda «Mediaimaq - public KZO» telestýdııasy, «Sazimaq» músin úıirmesi, 3D-Labimaq zerthanasy, «Iqimaq» ózin-ózi taný kabıneti, 3D-modeldeý jáne «Sauletimaq» qumdy anımatsııa úıirmesi sııaqty 12 oqý baǵyty bar.
Atalmysh úıirmelerde tálim alyp júrgen oqýshylar respýblıkalyq baıqaýlarda júldeli oryndar ıelenip júr. Mysaly, Almatydaǵy Qazaq bas sáýlet-qurylys akademııasynyń «Meniń armanymdaǵy úı» maketter baıqaýynda birqatar nomınatsııalar boıynsha ónerli jetkinshekter jeńimpaz bolyp, 3D-modeldeý úıirmesiniń qatysýshylary Akademııa granttarynyń ıegerleri atandy.
Esterińizge sala keteıik, IT-tehnologııalardy qoldaný arqyly balalardy oqytýda qoljetimdilikti arttyrý maqsatynda aımaqta 13 IT-synyp jumys isteıdi. Onda 650 bala tegin oqıdy. Sonymen qatar, jergilikti bıýdjet esebinen Qyzylorda qalalyq qosymsha bilim berý oqý-ádistemelik ortalyǵynda «IT-imaqorda» balalar tehnoparki ashyldy.
Budan buryn Qyzylordadaǵy mektepte kınostýdııa ashylǵanyn habarlaǵan edik.
