Qyzylordada balalar úıiniń tárbıelenýshileri qaraqshylyq shabýyl jasaǵan
Bul jóninde Qyzylorda oblystyq polıtsııa departamentiniń baspasóz qyzmeti málim etti. Olardyń aıtýynsha, qaladaǵy saýnalardyń birine basa-kóktep kirgen belgisiz 4 adam kassırden qomaqty aqshany tartyp alyp, oqıǵa ornynan boı tasalaǵan.
Qyzylordalyq polıtseıler jedel-izdestirý sharalaryn júrgizdi. Nátıjesinde bir saǵattyń ishinde kúdiktilerdiń bireýi qolǵa tústi. Ol balalar úıiniń 16 jastaǵy tárbıelenýshisi. Taǵy úsh kúdikti oqıǵa ornynan qashyp ketken. Olardyń ekeýi balalar úıiniń tárbıelenýshisi bolyp shyqty. Polıtsııa qyzmetkerleri olardy da kóp uzatpaı qolǵa túsirdi.
«Qaraqshylyq deregi boıynsha QR Qylmystyq kodeksiniń 192-baby 2-bóliginiń 1, 4 tarmaqtaryna sáıkes sotqa deıingi tergep- tekserý júrgizilýde. Kúdiktiler ýaqytsha ustaý ızolıatoryna qamaýǵa alyndy. Eger kúdiktilerdiń kinási dáleldense, olarǵa múlkin tárkileýmen 5 jyldan 10 jylǵa deıin bas bostandyǵynan aıyrý jazasy taǵaıyndalýy múmkin», - dep málim etti Qyzylorda oblystyq polıtsııa departamenti.
Budan buryn Qazalyda aqtóbelikke qaraqshylyq shabýyl jasaǵan 3 jigit ustalǵan edi.