Qyzylordada balalar úıinen joǵalǵan 16 jasar qyz tórt kúnnen beri tabylmaı jatyr
QYZYLORDA. QazAqparat - Qyzylordadaǵy otbasy úlgisindegi «Atameken» balalar aýylynan ketip qalǵan úshinshi qyz áli tabylmaı jatyr, dep habarlaıdy QazAqparat.
Bul jaıynda oblystyq PD krımınaldyq poltsııa basqarmasy málimet taratty.
2004 jyly 27 tamyzda týǵan Dildá Musabekqyzy Nuǵmanova 25 naýryz kúni túngi 02:00 shamasynda balalar úıinen shyǵyp ketip, qaıta oralmaǵan.
Qyzylorda oblysynyń polıtsııa departamenti qyzǵa izdeý salady.
Belgileri: boıy - 175 sm, shashy qara tústi ıyǵynan túsken, kekili sary túske boıalǵan.
Ústinde qara tústi kýrtka, kók tústi djınsy shalbar, aq tústi sporttyq úlgidegi aıaq kıim.
Jasóspirim týraly qandaı da bir aqparat nemese júrgen jeri týraly málimet bilgen jaǵdaıda tómende kórsetilgen telefon nómirlerine habar bergen jón: 8 (7242)-29-70-10, 8(7242)-29-75-20, 8(7242)-29-75-02, 8-705-255-81-25
Aıta keteıik, buǵan deıin Qyzylordada úsh jasóspirim qyzdyń joǵalyp ketkenin habarlaǵan bolatynbyz. Keıinnen qyzdardy izdeýge eriktiler de qosyldy.
Arada biraz ýaqyt ótkende eki qyz Almaty qalasynan tabyldy.
