Qyzylordada «Balalar túngi qalada» reıdi barysynda 271 jasóspirim ishki ister organdaryna jetkizildi
QYZYLORDA. QazAqparat -13-15 qańtar aralyǵynda oblys kóleminde múddeli memlekettik organdardyń, úkimettik emes uıym ókilderin tarta otyryp «Balalar túngi qalada» atty jedel-profılaktıkalyq is-sharasy ótkizildi, dep habarlaıdy QazAqparat HAA tilshisi oblystyq ІІD silteme jasap.
Júrgizilgen is-shara barysynda ishki ister organdaryna barlyǵy 271 kámeletke tolmaǵandar jetkizilse, onyń ishinde 233 kámeletke tolmaǵandar túrli ákimshilik quqyq buzýshylyqtar jasaǵandary úshin, qalǵan 38-i ishki ister organdarynyń profılaktıkalyq jáne tizimdik esepterine alynǵany úshin ákelindi.
Sonymen qatar, QR ÁQBtK-niń 127-baby boıynsha, ata-ananyń nemese basqa da zańdy ókilderdiń balalardy tárbıeleý jónindegi mindetterdi oryndamaǵany úshin barlyǵy 6 ata-anaǵa hattama toltyrylsa, QR ÁQBtK-niń 442-baby (saǵat 22:00-den 06:00-ge deıin kámeletke tolmaǵandar túngi ýaqytta zańdy ókilderiniń erip júrýinsiz oıyn-saýyq mekemelerinde bolýy jáne saǵat 23:00-den 06:00-ge deıin zańdy ókilderiniń erip júrýinsiz turǵyn jaıdan tys jerde bolýy) boıynsha barlyǵy 204 kámeletke tolmaǵandar anyqtalyp, olardyń zańdy ókilderine hattama toltyryldy.
Sondaı-aq, QR ÁQBtK-niń 434-baby (buzaqylyq) jáne 435-baby (kámeletke tolmaǵan adam jasaǵan buzaqylyq) boıynsha 16 kámeletke tolmaǵandar men olardyń zańdy ókilderine hattama toltyrylyp, tıisti shara kórý úshin jergilikti jerlerdegi ákimshilik sottarǵa joldandy. QR ÁQBtK-niń 440-baby 2-bóligi boıynsha (jasy on segizge tolmaǵan adamdardyń qoǵamdyq oryndarǵa masań kúıde kelýi, sol sııaqty olardyń alkogoldik ishimdikterdi ishýi) 2 derek anyqtaldy.
QR ÁQBtK-niń 200-baby, ıaǵnı QR zańnamasynyń alkogol ónimin ótkizý jónindegi talaptaryn buzǵany úshin 6 dúken ıesi men satýshysyna, QR ÁQBtK-niń 133-baby, ıaǵnı on segiz jasqa tolmaǵan adamdarǵa temeki buıymdaryn satqany úshin 6 dúkenshige, QR ÁQBtK-niń 132-baby, ıaǵnı kámeletke tolmaǵandardyń túngi ýaqytta oıyn-saýyq mekemelerinde bolýyna jol bergeni úshin 5 oıyn-saýyq mekeme ıelerine hattama toltyryldy.
