Qyzylordada balalar ortalyǵynda jarylys bolyp, ǵımarattyń birinshi qabaty órtendi
QYZYLORDA. QazAqparat - Qyzylordada balalar oıyn-saýyq ortalyǵynda jarylys bolyp, ǵımarattyń birinshi qabaty tolyq órtendi, dep habarlaıdy QazAqparat.
19 shilde saǵat 07:20-da Qyzylorda qalasy Y.Altynsarın kóshesinde ornalasqan «Pýmba» balalar oıyn-saýyq ortalyǵynda jarylys bolyp, ǵımarattyń 200 sharshy metrlik birinshi qabaty órtendi.
Oqıǵa ornyna jedel jetken «QazTransGaz Aımaq» AQ Qyzylorda fılıalynyń qyzmetkerleri, gaz qyzmetiniń avarııalyq-dıspetcherlik brıgadasynyń mamandary «Pýmba» kafesin jáne osy ǵımaratqa jaqyn turǵan úıdi gazdan ajyratty.
«QazTransGaz Aımaq» AQ QÓF basshylyǵyna, tehnıkalyq qyzmetter men TJD, Qyzylorda qalasynyń ІІD-ne birden habar berildi. Jarylys tolqyny saldarynan jaqyn ornalasqan aǵash saraı men kórshi úıdiń terezeleri búlingen. 8 saǵat 15 mınýtta órt tolyǵymen sóndirildi.
Abyroı bolǵanda, eshkim zardap shekken joq. Órttiń sebebin mamandar anyqtap jatyr. Tergeý júrgizilýde.
