Qyzylordada balalar arasynda koronavırýsqa shaldyǵý jaǵdaıy alańdatyp otyr
Bıyl jyl basynan beri 14 jasqa deıingiler arasynda 345 bala qaterli indetke shaldyqqan. Al byltyr 213 jaǵdaıy tirkelgen bolatyn.
Epıdemıologııalyq zertteýler nátıjesi kórsetkendeı, ótken jyly balalar arasynda COVID-19-dyń sımptomsyz túri anyqtalǵan edi. Al balalar arasynda bıyl dene qyzýynyń kóterilýi, álsizdik, qurǵaq jótel sııaqty klınıkalyq belgiler tirkelýde. Bul koronavırýs ınfektsııasynyń mýtatsııalanǵan jańa shtamdarynyń áseri dep boljanady.
«Aıta keteıik, bıyl 238 mektep oqýshysy arasynda koronavırýs juqtyrǵan. Kórsetkishter boıynsha, 16 sáýirde 37 oqýshy qaterli indetke shaldyqqan bolatyn. Al 14, 15 sáýir kúnderi ol 19 jaǵdaıdan kezdesti. Barlyq aýrý oshaǵynda indetke qarsy zalalsyzdandyrý, profılaktıkalyq sharalar júrgizildi. Jaqyn qarym-qatynasta bolǵandardyń barlyǵy 14 kúnge medıtsınalyq baqylaýǵa alyndy. Aýrý tirkelgen synyptar karantınge jabyldy», - dep málim etti oblystyq sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.
Sońǵy kúnderde bul boıynsha aýrýshańdyq kórsetkishinde tómendeý tendentsııasy baıqaldy. Atap aıtqanda, 17 sáýirde 9, 18 sáýirde 4 jaǵdaı tirkeldi.
Aıta keteıik, Qyzylordada karantın shekteýi kúsheıtilýi múmkin.