Qyzylordada balabaqshada qyzmet etetin 9 adam koronavırýs juqtyrdy
QYZYLORDA. QazAqparat - Qyzylorda oblysy Qazaly aýdanyndaǵy «Órimtal» balabaqshasynda ótken táýlikte 9 adam koronavırýs juqtyrdy, dep habarlaıdy QazAqparat tilshisi.
Qazir aýrý oshaǵynda epıdemııaǵa qarsy barlyq is-sharalar júrgizildi. Qarym-qatynasta bolǵan adamdar anyqtalǵan. Olardyń barlyǵy medıtsınalyq baqylaýǵa alyndy. Epıdemıologııalyq zertteý jumystary jalǵasýda. Qajet bolǵan jaǵdaıda balabaqsha tolyǵymen karantınge jabylýy múmkin. Degenmen de búgingi kúni ata-analar tarapynan balalardy balabaqshaǵa jiberý toqtatylǵan.
«Sońǵy 5 kúndegi kórsetkishter boıynsha Qyzylordanyń «jasyl» aımaqtan ortasha «sary» aımaqqa ótý qaýpi joǵary. Kún saıynǵy vırýs juqtyrý qarqyny artyp keledi. Ótken táýliktiń ózinde 39 jaǵdaı tirkeldi. Olardyń basym bóligi COVID-19 ınfektsııasyn juqtyrǵandarmen jaqyn qarym-qatynasta bolǵandar arasynan anyqtalyp otyr. Onyń sany 17 jaǵdaıdy quraıdy», - dep málim etti málim etti Qyzylorda oblysy sanıtarlyq-epıdemıologııalyq baqylaý departamentinen.
Búgingi kúni oblys boıynsha koronavırýstyq ınfektsııa juqtyrǵandar sany 4198 adamǵa jetti. Onyń 3 paıyzy syrttan tasymaldanǵan bolsa, 56 paıyzy skrınıngtik tekserý nátıjesinde anyqtalǵan. Al 41 paıyzy qarym-qatynas arqyly juqtyrǵan.
