Qyzylordada baqylaýshylar saılaýdyń ótý barysyna oń baǵa berip otyr

Jalpy, búgingi kúnge elimizdegi eń  mańyzdy naýqan   saılaýdy  baqylap,  esep berý úshin oblysymyzǵa 15 sheteldik baıqaýshy  kelgen.  Olardyń 10-y aýdandarda júr. 5 baıqaýshy oblys ortalyǵyndaǵy  saılaý  okrýgteriniń tártibin baqylaýda.   

Vıtalıı Ponomarev - TMD baıqaýshylar mıssııasynyń  ókili.  Onyń bul iste tájirıbesi mol. Ol oblysymyzdaǵy saıası saıystyń ótý barysyna qanaǵattanarlyq baǵa berip otyr.

Halyqaralyq baıqaýshynyń aıtýynsha, saılaý óte joǵary deńgeıde ótip jatyr. Bul ýaqytqa deıin eshqandaı zańbuzyshylyqtar tirkelgen joq.               

Vıtalıı Ponomarev: «Men saılaý  bastalardan buryn úsh  kún buryn osynda keldim.  Aldymen Baıqońyr   qalasynda  bolyp,    ondaǵy 11 saılaý okrýginiń jumystarymen tanystym. Saılaý aldyndaǵy daıyndyq óte joǵary eken. Saılaýshylardyń daýys berý kabınalaryna  kirip shyǵýyna eshqandaı kedergiler joq. Búgin saılaý bastalǵannan beri de birneshe saılaý okrýgterinde boldym. Zań   buzýshylyq joq. Halyqtyń belsendiligi qýantyp otyr meni», - dedi.

№191 saılaý okrýginde 1888 saılaýshy tirkelgen. Osy ýaqytqa deıin munda 600-diń ústinde saılaýshy óz tańdaýyn jasap úlgergen.     Qala turǵyny Marııam Ábilqaıyrova da "arnaıy shaqyrtýdy kútip otyra almadym.   Quqymdy eskerip, eldiń janashyry bolady degen partııa men halyq qalaýlysyn tańdadym ", -deıdi.