Qyzylordada «Baqsha Saraı» dámhanasy órtendi
Oqys oqıǵa búgin saǵat 9.00 shamasynda boldy. Jergilikti 112 qutqarý qyzmetine «Baqsha Saraı» kafesinde órt oqıǵasy bolyp jatqany týraly habarlandy.
Oqıǵa ornyna órtke qarsy qyzmetten 40 qyzmetker 9 tehnıkamen bardy. Órt 09.29-de oqshaýlanyp, 09:43-de tolyǵymen sóndirildi. Órt saldarynan zardap shekkender men qaza bolǵandar joq.
«Órttiń shyǵý sebebi elektr symdarynyń qysqasha tuıyqtalýynan boldy degen boljam jasalyp otyr. Qazir kelgen shyǵyn anyqtalý ústinde. Tótenshe jaǵdaı ornynan 1 kishi jáne 1 úlken syıymdylyqtaǵy gaz ballondary shyǵaryldy. Jyl basynan beri oblysta 229 órt oqıǵasy tirkeldi. Sonyń saldarynan tórt adam qaıtys boldy. Jaraqat alǵandar da bar», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz mamany Álııa Erejepova.
Budan buryn Qyzylordada kópqabatty úıden órt shyǵyp, 50 adam evakýatsııalandy.