Qyzylordada «Baikonyr Invest» forýmy ótip jatyr
QYZYLORDA. QazAqparat - Búgin Qyzylorda qalasynda ІH «Baikonyr Invest» ınvestıtsııalyq forýmy jumysyn bastady, dep habarlaıdy QazAqparat tilshisi.
Shara eki kúnge sozylady. Forým jumysy plenarlyq otyrystan jáne 5 sektsııadan turady. Onyń biri «Týǵan jerge taǵzym» taqyrybynda ótedi. Oǵan Syr óńiriniń túlekteri, elimizdiń ózge aımaqtarynda qyzmet etetin isker azamattar qatysady. Qalǵan 4 sektsııanyń jumysy halyqaralyq yntymaqtastyqty nyǵaıtýǵa baǵyttalǵan.
Bul sharaǵa Reseı, QHR, Ózbekstan jáne Irannyń delegatsııalary qatysady. Sonymen birge, Túrkııa, Ońtústik Koreıa, Malaızııa elderinen de qonaqtar keldi.
Forýmnyń maqsaty - óńir kásipkerlerine sheteldik jáne otandyq ınvestorlarmen ózara seriktestik ornatýǵa yqpal jasaý, ınvestıtsııalyq jobalardy iske asyrý úshin bıznes, bilim jáne ǵylym ókilderin biriktirý. Ekonomıkany ártaraptandandyrý maqsatynda mańyzdy ekonomıkalyq bastamalardy damytý bolyp tabylady.
Halyqaralyq forým barysynda oblystyń ınvestıtsııalyq jobalaryna arnalǵan kórme uıymdastyrylady. Sondaı-aq, Reseı, Iran, Qytaı, Ózbekstan elderimen yntymaqtastyq máseleleri qaralady.
