Qyzylordada baǵanaǵa soǵylǵan kólik júrgizýshisi tabylmaı jatyr
QYZYLORDA. QazAqparat - Qyzylorda qalasyndaǵy Qydyrov kóshesinde BMV avtokóligi jol boıyndaǵy elektr baǵanasyn soqqan. Saldarynan kólik jaramsyz bolyp qalǵan, dep habarlaıdy QazAqparat tilshisi.
Bul oqıǵa qalalyq ishki ister basqarmasynyń aqparattardy esepke alý kitabyna tirkelgen.
«Jol-kólik oqıǵasy saldarynan zardap shekkender joq. Keleńsiz jaǵdaıdyń mán-jaılary anyqtalýda. Oqıǵa ornynan ketip qalǵan avtokólik júrgizýshisin anyqtaý jumystary júrgizilýde», - dep habarlady oblystyq ishki ister departamentiniń baspasóz qyzmeti.
