Qyzylordada BAÁ kelgen adamnan koronavırýs anyqtaldy
Búgin Qyzylordada qaterli indetke tórt adam shaldyqty. Olardyń úsheýi Qyzylorda qalasynyń turǵyny bolsa, bireýi Almaty qalasynda turady. Synama eki azamattan aýrý juqtyrǵan adammen qarym-qatynasta bolýyna jáne endi birinen BAÁ kelýine jáne taǵy bireýinen densaýlyq jaǵdaıyna baılanysty alynǵan.
«Zertteý qorytyndysy naýqastardyń koronavırýs ınfektsııasyn juqtyrǵanyn kórsetti. Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldaýda. Aýrý oshaǵynda mamandarmen indetke qarsy is-sharalar uıymdastyrylyp, qarym-qatynasta bolǵandar anyqtalýda», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamenti.
Qazir Qyzylorda oblysynda koronavırýs ınfektsııasyn juqtyrǵan 250 adam tirkelgen. Onyń ishinde 216 adam emdelip shyqqan.
Budan buryn Qyzylordada avtobýs júrgizýshileri maska taqpaı, jolaýshylar arasyndaǵy qashyqtyq saqtalmaǵanyn habarlaǵan edik.