Qyzylordada azyq-túlik baǵasynyń shekti mejesi bekitiledi
Bıyldan bastap óńirde áleýmettik mańyzy bar azyq-túlik taýarlaryna bólshek saýda baǵalarynyń shekti mejesi bekitiledi.
Bul maqsatta oblys ákimdiginiń qaýlysy ázirlenip jatyr. Oǵan mańyzy bar azyq-túliktiń 19 túri engiziledi.
Jalpy aımaqtaǵy saýda oryndarynda azyq-túlik taýarlarynyń qory jetkilikti, ónimderdiń tapshylyǵy baıqalmaıdy.
Oblysta baǵany turaqtandyrý maqsatynda óńirlik turaqtandyrý qory jumys jasaıdy.
Ol úshin oblystyq bıýdjetten qajetti qarjy bólingen. Qazirgi tańda turaqtandyrý qorynda 1396,9 tonna ónim bar.
«Sondaı-aq, baǵanyń negizsiz ósýine jol bermeýdiń taǵy bir tıimdi sharalary retinde «aınalym» shemasy boıynsha kásipkerlerge zaem berý tásili keńinen paıdalanylýda. Búgingi kúni «aınalym shemasy» boıynsha 973 mln. teńge zaem 19 kásipkerlik sýbektisine berildi. Zaem alǵan kásipkerler 19 túrli áleýmettik mańyzy bar azyq-túlik ónimderin qalada ornalasqan 36 áleýmettik dúkende jáne qosymsha 14 iri sýpermarkette kelisim negizinde ashylǵan áleýmettik buryshtarda naryqtan tómen baǵada jetkizip, satýda», - dedi oblystyq aýyl sharýashylyǵy basqarmasynyń basshysy Talǵat Dúısebaev.
Eske salsaq, budan buryn Qyzylordada «Alǵashqy jumys orny» jobasy júzege asýda.
