Qyzylordada azyq-túlik baǵasyn turaqtandyrý maqsatynda kásipkerlerge nesıe berildi
Sońǵy 2 jylda osy shema boıynsha 15 kásipkerlik sýbektisine 1083 mln teńge bólingen. Sondaı-aq, pandemııa shekteýlerine qaramastan óńirde kásip ashýǵa yntaly azamattardyń qatary artyp, Syr eli oblystar arasynda úshtik úshtikke kirgen. Bul týraly aımaq basshysy Gúlshara Ábdiqalyqova baspasóz máslıhatynda aıtyp berdi.
«Shaǵyn orta bıznesti damytý maqsatynda Qyzylorda oblysynyń 2023 jylǵa deıingi ekonomıkalyq damý Kartasyn jasadyq. Búgingi kúni jalpy quny 9,5 mlrd teńgege 163 joba iske asty, onyń ishinde bıylǵy jyly 74 joba, 426 jumys orny quryldy. Osy baǵdarlama arqyly kásipkerler qoı, sıyr jáne jylqy etinen jasalǵan konserviler, kúrish, qaraqumyq botqasy, jantaq baly, qaýynnan jasalǵan chıpsy jáne taǵy basqalary óndirýde.Іshki naryqty óz ónimderimen tolyqtyrý maqsatynda 2 paıyzben nesıeleý baǵdarlamasyn qolǵa aldyq. Ol maqsatqa oblystyq bıýdjetten 400 mln teńge bólindi», - dedi oblys ákimi.
Aıta keteıik, óńirde nesıe alý baǵytynda da oń kórsetkishter bar. Bıylǵy jyly «Bıznestiń jol kartasy 2025», «Eńbek» memlekettik baǵdarlamalary aıasynda jáne «Qyzylorda» óńirlik ınvestıtsııalyq ortalyǵy arqyly jalpy quny 30 mlrd teńgege 2605 joba qarjylandyrylǵan. Bızneske jastardyń belsendiligi artyp, kóp balaly analar da qamtylǵan.
Eske salsaq, budan buryn Qyzylordada turǵyndardyń 86 paıyzy koronavırýsqa qarsy vaktsına saldyrǵany habarlandy.
