Qyzylordada azyq-túlik baǵasy baqylaýda

QYZYLORDA. QazAqparat - Qyzylorda qalasynda azyq-túlik baǵasyn turaqtandyrý baǵytynda tıisti sharalar kúndelikti jasalyp keledi. Osy maqsatta mamandar tarapynan monıtorıng úzdiksiz júrgizilýde, dep habarlaıdy QazAqparat tilshisi.

Búginde qala aýmaǵynda halyqqa arzandatylǵan baǵada azyq-túlik ónimderin usynatyn 30 áleýmettik dúken bar. Oǵan qosa 300-den astam taýar túrin halyqqa qoljetimdi baǵada satatyn «Áleýmettik market» kópshilikke qyzmet kórsetedi. Taǵy bir aıta keterligi, iri saýda oryndarynda naryq baǵasynan 10-15 paıyzǵa tómendetilgen ónimdermen qamtamasyz etý maqsatynda áleýmettik sóreler ornalastyrylǵan.

«Qyzylorda qalasynda nan baǵasy turaqty. Óńirlik turaqtandyrý qorynan alynǵan un naýbaıhanalarǵa tómen baǵada beriledi. Qazir bólke nannyń ortasha baǵasy 62,5 teńgeni quraıdy. Nan áleýmettik dúkenderde 55 teńgeden satylýda. 21 shildedegi aqparatqa sáıkes turaqtandyrý qorynda 3050,0 tonna ónim bar. Onyń ishinde qant - 175,5, 1 sortty un - 2023,75, rojkı -145,9, suıyq maı - 127,8, qyryqqabat - 0,01, kúrish - 426,8, tuz -17, qaraqumyq - 9,1 tonnany quraıdy. Al jumyrtqa - 1, 5 mln danany shamalasa, sıyr eti - 33,8, qus eti - 46,7, sút - 38,5, kartop - 5,5 tonnany quraıdy», - dedi Qyzylorda qalasy ákiminiń bapasóz hatshysy Balgúl Mámen.

Onyń aıtýynsha, et ónimderin turaqtandyrý maqsatynda «B.Rsalıev» sharýa qojalyǵymen kelisim-shart jasalǵan. Sol boıynsha qalanyń 6 aýmaǵynda ornalasqan jeke saýda oryndarynda sıyr eti 1600 teńgeden satylýda. Aldaǵy ýaqytta sharýashylyq et satý oryndaryn kóbeıtýdi josparlap otyr.

Budan buryn Qyzylorda temirjol aýrýhanasyna demeýshiler qarjysyna alynǵan tynys alý apparaty tabystaldy.