Qyzylordada azyq-túlik baǵalaryna kúndelikti monıtorıng júrgizilýde
QYZYLORDA. 10 naýryz. QazAqparat /Jańagúl Serdaly/ - Qyzylorda oblystyq aýyl sharýashylyǵy basqarmasy negizgi azyq-túlik baǵalaryna kúndelikti monıtorıng júrgizip keledi,
dep habarlaıdy basqarmanyń baspasóz qyzmeti. Basqarmadaǵy aqparattyq-marketıngilik júıe arqyly júrgiziletin monıtorıngtiń nátıjesinde búgingi kúni aımaqta azyq-túlik túrleriniń baǵalary qandaı bolyp otyrǵanyn paıymdaýǵa bolady.
Monıtorıng Qyzylorda qalasyndaǵy «Mıras» saýda úıiniń aýlasynda kókónis ónimderin kóterme satatyn orynda kartoptyń kelisi - 95 teńge, pııaz ben sábiz - 80 teńge, qyryqqabat 115 teńgeden bolsa, «Mıras» saýda úıiniń áleýmettik qatarynda kartoptyń kelisi - 95 teńge, qyryqqabat - 120 teńge, pııaz ben sábiz - 85 teńge, jumyrtqanyń 10 danasyn 170 teńgeden, almanyń baǵasy 200 teńgeden alýǵa bolatynyn kórsetti. Sonymen qatar «Ajar» saýda úıinde qanttyń kelisi - 198 teńge bolsa, tuzdyń kelesi 23 teńgeden satylýda.
