Qyzylordada ájethanadan shaqalaqtyń denesi tabyldy
QYZYLORDA. QazAqparat - Qyzylordada qutqarýshylar ájethanadan ómirge kelgenine kóp bola qoımaǵan shaqalaqtyń óli denesin alyp shyqty, dep habarlaıdy QazAqparat tilshisi.
Oqıǵa 1 jeltoqsanda oblys ortalyǵyndaǵy «Aqmarjan» shaǵyn aýdanynda boldy. Shaqalaqty 1997 jylǵy azamatsha dúnıege alyp kelgeni anyqtaldy.
«Bul jóninde polıtsııa bóliminen tótenshe jaǵdaılar departamentine habar kelip tústi. Oqıǵa ornyna departamenttiń jedel qutqarý jasaǵynan 1 tehnıka men 6 qutqarýshy bardy. Qutqarýshylar shaqalaqtyń óli denesin shyǵaryp, ony polıtseılerge tapsyrdy», - dedi Qyzylorda oblystyq tótenshe jaǵdaılar departamenti bastyǵynyń mindetin atqarýshy Rýslan Qaıraqbaev.
Málim bolǵanyndaı, qazir áıel oblystyq medıtsına ortalyǵyna jatqyzylǵan. Oqıǵanyń mán-jaıy anyqtalýda.
Oblystyq polıtsııa departamenti tergeý basqarmasynyń bastyǵy Ábdibek Janazarovtyń aıtýynsha, atalǵan oqıǵa boıynsha QR Qylmystyq kodeksiniń 100-babymen qylmystyq is qozǵaldy. Onda jańa týǵan balany anasynyń óltirýi kórsetilgen.
