Qyzylordada ájesi taksıge mingizip jibergen 7 jasar jetkinshek joǵalyp ketti
QYZYLORDA. QazAqparat - Qyzylordada taksıge mingizip jibergen jeti jastaǵy bala joǵalyp ketti, dep habarlaıdy QazAqparat tilshisi.
Oqıǵa barysy bylaı órbigen. Kelini jeti jastaǵy ulymen birge ata-ájesiniń úıine qonaqqa kelgen.
Sodan keıin jetkinshek ájesiniń úıinde qalýdy jón kóredi.
Kelesi kúni tańerteń ájesi taksı júrgizýshisine naqty mekenjaıyn kórsetip, anasyna jibergen.
Bir saǵattan keıin kelinine qońyraý shalǵan aryzdanýshy balanyń úıge áli kelmegenin biledi.
Sodan keıin dereý 102 arnasyna habarlama túsiredi.
Atalǵan derek boıynsha dereý izdeý sharalary uıymdastyrylǵan.
«Qyzylorda qalalyq polıtsııa basqarmasynyń barlyq jeke quramy dabyl boıynsha kóterilip, balany izdeýge kirisedi. Balany barlyq jerden izdegen polıtseıler, úı mańaıyndaǵy barlyq jerdi tintip shyqqan. Taksı júrgizýshisi kórsetilgen mekenjaıdy tappaı, balany ájesi otyrǵyzǵan jerge qaıta aparyp tastaǵan. Osylaısha jasóspirim bala úıdi shatastyryp, joǵalyp ketken. Kóp uzamaı bala tabyldy» dep málim etti Qyzylorda oblystyq polıtsııa departamentinen.
