Qyzylordada áıelin óltirgen eki balanyń ákesi sottaldy
QYZYLORDA. 26 mamyr. QazAqparat - Qyzylorda oblysynyń qylmystyq ister jónindegi mamandandyrylǵan aýdanaralyq soty áıelin óltirgen eki balanyń ákesin jazaǵa kesken úkim shyǵardy. Bul týraly oblystyq sotyń baspasóz qyzmeti habarlady.
Sottalýshy T. halyqaralyq áıelder merekesinde úıine mas bolyp keledi. Jubaıynyń ishimdik iship kelgenin kórgen zańdy nekedegi áıeli: «Bulaı araq ishe beretin bolsań, balalarymdy alyp ketip qalamyn»,-dep daý shyǵarady. Áıeliniń ashýlanǵanyna mereke kúni eshqaıda qydyrmaǵany da sebep bolsa kerek. Erteńine aıqaı-shý odan ári jalǵasyp, áıeli N. kúıeýiniń kıimderin laqtyryp úıden qýady. Onymen qoımaı namysyna tıip, kúıeýiniń anasy men baýyrlary týraly jaman sózder aıtady. Budan ári áıeliniń bylapyt sózderine shydamaǵan kúıeýi ony qorqytpaq bolyp, moınynan qolymen kúshtep qysyp, úıdiń qabyrǵasyna taqap, qylǵyndyryp dem bermeı, nátıjesinde býyndyryp óltirip alǵanyn ańǵarmaı qalady.
Basty sot talqylaýynda T. ózine taǵylǵan aıypty tolyqtaı moıyndap, 8 naýryz kúni saǵat jetiler shamasynda aşy sýdy biraz ishkennen keıin, úıine kelip uıyqtap qalyp, tańerteń oıanǵanda áıelimen janjaldasyp sońynda óltirip alǵanyn aıtady. Sottalýshy polıtsııa basqarmasyna óz erkimen baryp, istegen áreketine ókinetinin, áıelin qasaqana óltirmegenin aıtyp, aqtalady.
Qylmystyń saldarynan kámeletke tolmaǵan eki jas bala anasyz qaldy. Al eki balanyń ákesi óz áıelin óltirgeni úshin sottalyp, qylmysker atandy.
Qyzylorda oblysynyń qylmystyq ister jónindegi mamandandyrylǵan aýdanaralyq sotynyń úkimimen sottalýshy T. QK-niń 96-babynyń 1-bóligimen kináli dep tanylyp, qatań rejımdegi túzeý kolonııasynda 10 jyl merzimge bas bostandyǵynan aıyrý jazasy taǵaıyndaldy.
Úkim zańdy kúshine enbegen. Qazirgi ýaqytta apellıatsııalyq shaǵym keltirilýine oraı, atalǵan is oblystyq sottyń apellıatsııalyq sot alqasynda qaralýda.
