Qyzylordada áıelin óltirgen 29 jastaǵy jigit ustaldy

QYZYLORDA. QazAqparat - Qyzylorda qalasynda mas kúıinde áıelin óltirgen 29 jastaǵy jigit qolǵa tústi, dep habarlaıdy QazAqparat tilshisi.

Oblys ortalyǵynda turatyn 29 jastaǵy er adam zańdy nekedegi 27 jastaǵy áıelin mas kúıinde belgisiz sebeppen uryp-soqqan. Saldarynan azamatsha alǵan aýyr dene jaraqatynan qaıtys boldy.​

«Oqıǵa ornynan boı tasalap ketken er adamdy ustaý maqsatynda jedel tergeý toby quryldy. Іzdestirý barysynda ol dosynyń úıinde jasyrynyp jatqan jerinen ustaldy. Atalǵan derek boıynsha QR Qylmystyq kodeksiniń 99-babynyń 1-bóligimen (Adam óltirý) sotqa deıingi tergep-tekserý júrgizilýde. Kúdikti ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.

Eske salsaq, budan buryn Baıqońyrda kópqabatty úılerdiń arasynan oq tıgen adamnyń denesi tabyldy.