Qyzylordada aıdalada balshyqqa batyp qalǵan júrgizýshi qutqaryldy

QYZYLORDA. QazAqparat - Qyzylordada aıdalada balshyqqa batyp qalǵan júrgizýshi qutqaryldy, dep habarlaıdy QazAqparat tilshisi.

8 qańtarda saǵat 13.59 mınýt ótkende oblystyq Tótenshe jaǵdaılar departamenti Daǵdarys jaǵdaıynda basqarý basqarmasyna aqparat tústi. Onda Qyzylorda-Jezqazǵan avtojolynyń 40-shaqyrymynda «GAZel» markaly avtgkólik balshyqqa batyp qalǵany aıtylǵan.

«Oqıǵa ornyna departamentten 3 qyzmetker 1 tehnıkamen bardy. Saǵat 18.30-da departament mamandary kúshimen balshyqta qalyp qoıǵan kólik Dosan aýylyna deıin jetkizildi. Salonda bolǵan 1988 jylǵy júrgizýshi odan ári jolyn jalǵastyrdy», - dep málim etti oblystyq tótenshe jaǵdaılar departamentinen.

Eske salsaq, budan buryn Qyzylordada eki kún buryn joǵalǵan er adam tabyldy.

Foto: Qyzylorda oblysy TJD