Qyzylordada avtokólik jaıaý júrginshini qaǵyp ketti
QYZYLORDA. QazAqparat - Qyzylordada jeńil kólik ıesi jaıaý júrginshiler jolaǵynan ótip bara jatqan adamdy qaǵyp ketti, dep habarlaıdy QazAqparat tilshisi.
Jol-kólik oqıǵasy oblys ortalyǵynda N.Nazarbaev dańǵyly boıyndaǵy «Nomad Palace» kesheni tusynda 3 mamyr kúni keshke boldy. «Lada-21705» markaly avtokóligimen kele jatqan 22 jastaǵy júrgizýshi júrginshiler ótkelinde jaıaý jolaýshyny qaǵyp ketti.
«Jol-kólik oqıǵasy zań talabyna saı rásimdeldi. Júrgizýshige qatysty QR Ákimshilik quqyq buzýshylyq týraly kodeksiniń 610-baby 2-bóligimen ákimshilik hattama toltyryldy. Jaıaý júrginshige alǵashqy medıtsınalyq kómek kórsetildi», - dep málim etti Qyzylorda qalalyq polıtsııa basqarmasynan.
Eske salsaq, budan buryn Qyzylordada eki kólik soqtyǵysyp, 4 adam zardap shekti.
Sondaı- aq, Qyzylordada avtokólik pen mototsıkl soqtyǵysyp, bir adam aýrýhanaǵa tústi.
