Qyzylordada avtokólik jaıaý júrginshiler jolynda úsh adamdy qaǵyp ketti
QYZYLORDA. QazAqparat - Qyzylorda qalasynda avtokólik jaıaý júrginshiler jolynda úsh adamdy qaǵyp ketti, dep habarlaıdy QazAqparat tilshisi.
Atalmysh oqıǵa Qyzylorda qalasynyń ortalyq bóligindegi M.Áýezov kóshesinde boldy. Avtokólik ıesi jaıaý júrginshiler jolaǵymen ótip bara jatqan úsh adamdy qaǵyp ketti. Oqıǵa saldarynan kóz jumǵandar joq. Jábirlenýshiler medıtsınalyq mekemege jetkizilip, qajetti em aldy. Oqıǵa ornynda kúdikti júrgizýshi ustaldy.
«Atalmysh oqıǵa negizinde QR Qylmystyq kodeksiniń 345-babynyń 2-bóligimen tergep-tekserý jumystary júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy jaǵdaıy kórsetilgen. Tıisti saraptamalar taǵaıyndalyp, mən-jaılar anyqtalýda. QR Qylmystyq-protsestik kodeksiniń 201-babynyń talabyna sáıkes, sotqa deıingi tergep-tekserýdiń basqa derekteri jarııa etilýge jatpaıdy», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.
Budan buryn Qyzylordada kólik qaqqan adam kóz jumǵanyn habarlaǵan edik.
