Qyzylordada avtokólik pen mototsıkl soqtyǵysyp, bir adam aýrýhanaǵa tústi
QYZYLORDA. QazAqparat - Qyzylorda oblysy Qazaly aýdanynda avtokólik pen mototsıkl soqtyǵysyp, bir adam aýrýhanaǵa jetkizildi, dep habarlaıdy QazAqparat tilshisi.
Oqıǵa 2 mamyrda saǵat 12.00 shamasynda Qazaly aýdanynyń ortalyǵy – Áıteke bı kentinde boldy. Bul jóninde aýdandyq polıtsııa bólimine habar kelip túsken.
«Tekserý barysynda kóshe boıynda avtokólik pen mototsıkl soqtyǵysqany anyqtaldy. Sonyń saldarynan 1 adam dene jaraqatymen aýrýhanaǵa jetkizildi. Qazirgi ýaqytta 2 kólik te aıyp alańyna qoıyldy. Jan-jaqty tekserý amaldary júrgizilýde», - dep málim etti Qyzylorda oblystyq Polıtsııa departamenti baspasóz qyzmetinen.
Aıta keteıik, budan buryn qyzylordalyq urlaǵan kóligimen jol jıeginde aýdarylyp qaldy.
