Qyzylordada avtobýs júrgizýshileri maska taqpaı, jolaýshylar arasyndaǵy qashyqtyq saqtalmaǵan

QYZYLORDA. QazAqparat - Qyzylorda qalasynda qoǵamdyq kóliktiń kúsheıtilgen sanıtarlyq-dezınfektsııalyq talaptaryn saqtaý jaǵdaıy syn kótermeıtindigi anyqtaldy, dep habarlaıdy QazAqparat tilshisi.

Bul Qyzylorda qalasy prokýratýrasynyń uıymdastyrýymen ótken monıtorıng sharasy barysynda belgili boldy. Atalǵan shara temir joly vokzaly aýmaǵynan bastalyp, «Aray City Mall» oıyn-saýyq ortalyǵyna deıin jalǵasty. Onda qoǵamdyq kóliktiń karantın rejımindegi sanıtarlyq-dezınfektsııalyq jaǵdaıy qaraldy. Osylaısha «Qyzylorda» avtobýs parki» JShS jumys tártibi baqylandy.

«Shara barysynda 11 qoǵamdyq kólikke baqylaý júrgizildi. Baqylaý barysynda adamnyń shamadan tys kóptigi, belgilengen araqashyqtyqtyń saqtalmaýy anyqtaldy. Sondaı-aq, júrgizýshi men kondýktorlardyń mindettelgen maskany kımegeni belgili boldy. Arnaıy dızenfektsııalanǵan dymqyl matalardy paıdalanbaý oqıǵasy da oryn aldy», - dep málim etti Qyzylorda qalasy prokýratýrasy.

Atalǵan shara 13 mamyrdan bastaldy. Ol 30 mamyrǵa deıin júrgiziledi.

Qyzylordada 18 mamyrdan bastap bazarlar ashylady.