Qyzylordada avtobýs jaıaý júrginshini qaǵyp ketti
QYZYLORDA. QazAqparat - Qyzylorda qalasynyń ortalyq bóliginde qalaishilik baǵdardaǵy jolaýshylar avtobýsynyń adam qaǵyp ketti, dep habarlaıdy QazAqparat tilshisi.
Osyndaı vıdeo áleýmettik jelide tarady. Onda zardap shekken adamnyń jerde jatqany, janynda PAZ markaly avtobýs toqtap turǵan kórsetilgen.
«28 naýryzda saǵat 17.30 shamasynda Qyzylorda qalasyndaǵy Áıteke bı kóshesi boıyndaǵy jaıaý júrginshi ótkelinen ótip bara jatqan azamatshany №15 baǵyttaǵy qoǵamdyq avtokólik júrgizýshisi qaǵyp ketken. Atalmysh derek boıynsha avtobýs júrgizýshisine QR Ákimshilik quqyq buzýshylyq týraly kodeksiniń 610-baby 2-bóligine sáıkes ákimshilik hattama rásimdeldi. Jábirlenýshi qalalyq aýrýhanaǵa jetkizildi. Tıisti saraptama jumystary taǵaıyndalyp, tekserý jumystary júrgizilýde», - delingen oblystyq ІІD-niń baspasóz qyzmeti taratqan habarlamada.
Aıta keteıik, dál osy kóshede 27 naýryzda atys bolyp, odan bir adam qaza tapqan edi.
Ádilet QAŃTARBAEV
