Qyzylordada avtobýs áıel adamdy qaǵyp ketti

QYZYLORDA. QazAqparat - Qyzylorda qalasynda jolaýshylar tasymaldaýǵa arnalǵan avtobýs joldan ótpek bolǵan áıel adamdy qaǵyp ketti. Ol aýrýhanaǵa jatqyzyldy, dep habarlaıdy QazAqparat tilshisi.

Oqıǵa 10 naýryzda Qyzylorda qalasyndaǵy Áıteke bı kóshesi boıynda boldy. Qala ishinde jolaýshylar tasymaldaıtyn qoǵamdyq avtobýs ıesi júrginshini qaǵyp ketken.

«Saldarynan áıel Qyzylorda qalalyq aýrýhanasyna jatqyzyldy. Atalǵan derek boıynsha QR Qylmystyq kodeksiniń 345-babynyń 2-bóligimen qylmystyq is qozǵalyp, tergep-tekserý áreketteri júrgizilýde. Tıisti saraptamalar taǵaıyndalýda», - dep málim etti Qyzylorda oblystyq polıtsııa departamentinen.

Eske salsaq, aqpan aıynda kóktaıǵaqtan Qyzylordada 2 avtobýs soqtyǵysyp qaldy.