Qyzylordada avtobýs aýdarylýyna baılanysty qylmystyq is qozǵaldy

QYZYLORDA. QazAqparat - Qyzylorda oblysy aýmaǵyndaǵy segiz adamnyń ómirin qıǵan «Qyzylorda-Qumkól» jolyndaǵy apatqa baılanysty qylmystyq is qozǵaldy, dep habarlaıdy QazAqparat tilshisi.

Atalmysh avtobýs Túrkistan oblysyna qaraı baǵyt alǵan. Avtobýs ishinde barlyǵy 36 adam bolǵan.

«Qazirgi tańda avtobýs ishinde bolǵan azamattardyń jeke bastaryn qatysty málimetter anyqtalýda. Bul oqıǵa boıynsha QR Qylmystyq kodeksiniń 345-babynyń 4-bóligi boıynsha tergeý amaldary bastaldy. Tıisti saraptama taǵaıyndaldy», - dep málim etti Qyzylorda oblystyq polıtsııa departamenti bastyǵynyń birinshi orynbasary Shamshıdın Ámıtov.

Esterińizge sala ketelik, atalmysh oqıǵa búgin 04.30 shamasynda boldy. Oqıǵa saldarynan 8 adam qaza taýyp, 21 adam emdeý oryndaryna jatqyzyldy.

Oqıǵaǵa baılanysty QR Іshki ister mınıstrligi túsinikteme berdi