Qyzylordada aýyr atletıkadan Qazaqstan chempıonatynyń ekinshi kúniniń jeńimpazdar anyqtaldy

QYZYLORDA. QazAqparat - Qyzylorda oblysynda ótip jatqan aýyr atletıkadan el birinshiliginde 19 sáýir kúngi jeńimpazdar anyqtaldy, dep habarlaıdy QazAqparat tilshisi.

Aıta ketsek, el birinshiligi erler men áıelder arasynda ótip jatyr. Jarys jekelegen jattyǵýlar boıynsha ótedi. Alty kún boıy sportshylar 20 salmaq boıynsha jeńimpazdardy anyqtaıdy. Atalǵan jarysta erler 55, 61, 67, 73, 81, 89, 96 keli salmaqtar júldeler sarapqa salynady. Al áıelder 45, 49, 55, 59, 67, 71, 76, 81, 87, 87 keliden joǵary salmaqta baq synaıdy.

El birinshiliginde áıelder arasynda 55 kelide Almaty oblysynyń aýyr atleti Aıgerim Aýylbek jeńimpaz atandy. Odan keıingi oryndardy Shynar Japar (Jambyl oblysy) men Bıbisara Janbolat (Almaty oblysy) ózara bólisti.

Al 59 kelide Zýlfııa Chınshanlo (Almaty oblysy) jeńis turǵyrynan kórindi. Al Altynaı Tánirbergenova (Qyzylorda oblysy) jáne Alına Kolıýshko Alına (Soltústik Qazaqstan oblysy) úzdik úshtikten kórindi.

Sondaı-aq, erler arasynda 61 kelide Ótepbergen Álıev (Batys Qazaqstan oblysy), Azamat Tólegen (Qyzylorda oblysy) jáne

Jalǵas Seıitov (Aqmola oblysy) júldegerler qatarynda boldy.

Eske salsaq, budan buryn aýyr atletıkadan alǵashqy jarys kúniniń jeńimpazdary jóninde habarlaǵan edik.