Qyzylordada aýyr atletıkadan Qazaqstan birinshiligi bastaldy
QYZYLORDA. QazAqparat - Búgin Qyzylorda qalasyndaǵy «Evrazııa» sport kesheninde 20 jasqa deıingi jastar arasynda aýyr atletıkadan Qazaqstan chempıonaty bastaldy, dep habarlaıdy QazAqparat tilshisi.
Jarysqa elimizdiń barlyq óńirinen 233 sportshy qatysýda. Olar 20 salmaq sanatynda júldelerdi sarapqa salady: 10-y - uldar, 10-y qyzdar arasynda.
Jarystyń saltanatty ashylýynda oblys əkiminiń orynbasary Rýslan Rústemov, QR aýyr atletıka federatsııasynyń sport jónindegi aǵa menedjeri Muhan Bashanbaev saıysqa qatysýshylarǵa sáttilik tiledi.
Búgingi kúnniń ózinde birqatar salmaq dárejesi boıynsha jeńimpazdar anyqtaldy. Máselen, Aqmola oblysynan kelgen Aıym Muhametjanova (45 keli), Dıana Serebrıakova (49 keli), Dıana Júsipbekova (55 keli), shyǵysqazaqstandyq Elızaveta Beloýsova qyzdar arasynda altyn medalge ıe boldy. Al uldar arasynda Batys Qazaqstan oblysynan kelgen Rústem Ýoashev (55 keli), qyzylordalyq Azamat tilegen (61 keli) chempıondyq tuǵyrǵa kóterildi.
El chempıonaty 30 naýryz kúni aıaqtalady. Jarys nətıjesinde bıyl 1-8 maýsym aralyǵynda Fıdıjı memleketiniń Sýva qalasynda ótetin álem chempıonatyna baratyn sportshylar irikteledi.
