Qyzylordada aýyl jastary aýrýhanaǵa qol ushyn sozdy

QYZYLORDA. QazAqparat - Qyzylorda oblysynyń Jalaǵash aýdanyna qarasty Dáýimbaı eldi mekeninde turatyn 70-ke tarta jastar emdeý ornyna 21 ottegi ballonyn tabys etti, dep habarlaıdy QazAqparat tilshisi.

Aýyl jastary koronavırýs indetine qarsy kúreste belsendilik tanytyp keledi. Osylaısha odan em alyp jatqan jerlesterine kómek qolyn sozdy.

Dáýimbaı aýylynyń jastary ortaq sheshimge kelip bul maqsatta arnaıy qarjy jınady. Sol qarjyǵa Mádenıet aýyldyq okrýgindegi aýrýhanaǵa 21 ottegi ballonyn tabystady. Jastar aldaǵy ýaqytta taǵy da 100 dana ottegi ballonyn alyp berýge nıettenip otyr. Ottegi ballonyn Qyzylorda qalasyndaǵy «Kvant» mekemesinen toltyryp, arnaıy kólik jaldap, aýrýhanaǵa ákeledi. Sondaı-aq, aýrýhanadaǵy taýsylǵan ottegi ballonyn qaıta toltyryp jetkizedi.

Sondaı-aq, Syr óńirine esimi tanymal kásipker, «Abaı-Dáýlet» JShS dırektory Murat Sársenbaev Jalaǵash aýdanyndaǵy Buqarbaı batyr aýylyndaǵy emhanaǵa qajetti medıtsınaldyq zattardy alý úshin 700 myń teńgege jýyq qarjy bóldi. Dárigerler talapqa saı keletin medıtsınalyq jabdyqtardy endi aýyl turǵyndaryn emdeý barysynda qoldanatyn bolady.

Sondaı-aq, Qyzylorda oblysynda dárigerlerge « Densaýlyq sebeti « tabystaldy.