Qyzylordada aýyl turǵyny úıiniń aýlasynda úılený toıyn jasaǵan

QYZYLORDA. QazAqparat - Qyzylorda oblysy Syrdarııa aýdanyna qarasty Naǵı Іlııasov aýylynda jergilikti turǵyn karantın shekteýine qaramastan balasynyń úılený toıyn jasaǵan, dep habarlaıdy QazAqparat tilshisi.

Oblysta karantın talabyn saqtaýdy qadaǵalaý maqsatynda monıtorıng toptary qurylǵan. Top músheleri jáne polıtsııa qyzmetkerleri sol baǵytta naqty jumystar atqaryp keledi.

«Atalǵan derek boıynsha qujattar jınaqtaldy. Syrdarııa aýdandyq polıtsııa bólimi tıisti shara kórý úshin ony aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldady», - dep málim etti Qyzylorda oblystyq polıtsııa departamentiniń baspasóz qyzmeti.

Monıtorıngtik mobıldi top jáne polıtsııa qyzmetkerleri búgingi kúnge deıin oblysta 798 karantın talabyn buzý deregin anyqtady.

Atap aıtqanda kafe, meıramhanalarda 462 toı jasaýdyń deregi anyqtalsa, kompıýterlik klýbtar, býkmekerlik keńselerde talap saqtalmaýynyń 62 deregi anyqtaldy.

Sondaı-aq, sanıtarlyq dárigerdiń qaýlysynda kórsetilgen basqa 174 quqyq buzýshylyq belgili boldy.