Qyzylordada aýyl sharýashylyǵy ónimderi 16 memleketke eksportqa shyǵady
QYZYLORDA. QazAqparat - Qyzylorda oblysynda aýyl sharýashylyǵy ónimderi álemniń 16 memleketine eksportqa shyǵady, dep habarlaıdy QazAqparat tilshisi.
Bıylǵy jyldyń 1 maýsymyna deıin quny 15,7 mln dollardy quraıtyn 47,6 myń tonna aýyl sharýashylyǵy ónimderi eksporttaldy. Olardyń qatarynda kúrish, balyq ónimderi jáne qamys bar.
«Ónimder álemniń 16 memleketine eksporttaldy. Barlyq eksporttalǵan ónimniń 95 paıyzyn kúrish ónimi quraıdy. Ol Reseı, Qyrǵyzstan, Belarýs, Ázerbaıjan, Ózbekstan, Mońǵolııa, Tájikstan, Ýkraına jáne Irak, Túrkııa memleketterine jóneltit. Esepti kezeńge 45,2 myń tonna kúrish ónimi eksporttalyp, byltyrǵy jylmen salystyrǵanda 98,1 paıyzdy qurady. Sondaı-aq, oblystan Reseı, Polsha, Lıtva, Grýzııa jáne Aýstrııa memleketterine 1 539,8 tonna balyq jáne Germanııa men Nıderlandy memleketterine 801,8 tonna qamys jóneltildi», - dep málim etti Qyzylorda oblysy ákimdiginen.
Eske salsaq, Qyzylordada bıyl 6 jańa mektep paıdalanýǵa beriledi.
