Qyzylordada aýyl sharýashylyǵy eksporty artyp keledi
QYZYLORDA. QazAqparat - Syr óńirinde aýyl sharýashylyǵy ónimderin eksporttaý jyldan-jylǵa artyp keledi, dep habarlaıdy QazAqparat tilshisi.
Sońǵy jyldary Qyzylorda oblysynda bul baǵytta aýqymdy jumystar atqaryldy. Oblystyń aýylsharýashylyǵy ónimderin ótkizý naryǵyna keshendik marketıngtik zertteýler júrgizildi. Osynyń nátıjesinde oblystyń agroónerkásip kesheniniń 2020 jylǵa deıin damýynyń Agrokartasy ázirlendi.
Bul agrarlyq saladaǵy eksport kólemin arttyrýǵa oń septigin tıgizdi. Atap aıtqanda, 2017 jyly 84,6 myń tonna kúrish syrt elderge eksportqa shyǵaryldy. Ol aldyńǵy jylmen salystyrǵanda 61,1 joǵary, jalpy aýylsharýashylyǵy ónimderin eksporttaý 60 paıyzǵa artqan.
Agrokarta aıasynda jyldam damytýdy qajet etetin salalar jáne kúrish, balyq, et, baqsha, aýyl sharýashylyǵy ónimderin eksporttaý kólemin 2020 jylǵa qaraı 5 esege deıin ulǵaıtý joldary aıqyndalǵan. Bul Memleket basshysynyń básekege qabiletti aýyl sharýashylyǵy ónimderiniń naryǵynda talap etilgen óndiristi yntalandyrý jónindegi tapsyrmasyna tolyq sáıkes keledi.
Byltyr oblysta kúrish, qaýyn-qarbyz, pııaz, bolgar buryshy sekildi aýyl sharýashylyǵy ónimderin eksporttaý 37 paıyzǵa ósken. Ol 89,5 myń tonna aýyl sharýashylyǵy ónimderi shetelge shyǵarýǵa jol ashty.
Aýyl sharýashylyǵy ónimderin eksportqa shyǵarýda Jańaqorǵan aýdany aldyńǵy qatarda keledi.
