Qyzylordada aýyl mektebiniń dırektory sottaldy
QYZYLORDA. QazAqparat- Jalaǵash aýdandyq soty aýyl mektebiniń dırektoryna qatysty qylmystyq isti qarap, úkim shyǵardy, dep habarlady QazAqparat HAA tilshisi.
Oblystyq sottan málim etkendeı, mektepte dırektory óziniń laýazymdyq ókilettigin paıdalana otyryp, azamatsha M.-nan atqaryp júrgen qyzmetiniń ústine 0,5 júkteme qosyp bergeni úshin 5 myń teńge talap etken.
Mektep dırektory atalmysh somany alý barysynda ustaldy.
Sot úkimimen bilim mekemesiniń basshysy Qazaqstan Respýblıkasy Qylmystyq Kodeksiniń 366-baby, 1-bóligine (para alý) sáıkes kináli dep tanyldy. Oǵan dúnıe-múlkin tárkileý, bilim berý salasynda laýazymdardy atqarý quqyǵynan ómir boıyna aıyrý, paranyń 50 eselengen somasy mólsherinde (250 myń teńge) aıyppul salý jazasy taǵaıyndaldy.
