Qyzylordada aýyl ákimi saılaýyna 151 kandıdat úmitker retinde usynyldy
QYZYLORDA. QazAqparat - Qyzylorda oblysynda aýyl ákimi saılaýyna qatysýǵa 151 kandıdat úmitker retinde usynyldy, dep habarlaıdy QazAqparat tilshisi.
Óńirde 40 aýyldyq okrýgi boıynsha 151 kandıdat baǵyn synaıdy. Olardyń ishinde 53-i adam (/35,1 paıyz) saıası partııa atynan saılaýǵa tússe, 98 adam (64,9 paıyz) ózin-ózi usynǵandar.
Saıası partııalar 38 okrýgi boıynsha óz kandıdattaryn tirkedi. Atap aıtqanda «Aýyl» halyqtyq-demokratııalyq patrıottyq partııasynan -7, «Aqjol» Qazaqstan demokratııalyq partııasynan - 5, «NurOtan» partııasynan - 32, «Adal» saıası partııasynan - 4, Qazaqstan halyq partııasynan – 5 adam aýyl ákimi saılaýynda el senimine ıe bolýǵa kúsh salady.
Ortasha básekelestik 3,8 adamdy qurady. Al Jańaqorǵan aýdany Keıden jáne Shıeli aýdany Maılytoǵaı aýyldyq okrýgterinde 1 mandatqa 6 adamnan úmitker bolyp otyr. Al 6 saılaý okrýginde 1 mandatqa 5, 12-de 4, 20-da 3 kandıdattan usynylǵan.
