Qyzylordada aýyl ákimdiginiń ǵımaraty órtendi
QYZYLORDA. QazAqparat - Qyzylorda oblysy Jalaǵash aýdanyna qarasty Jańatalap aýyldyq okrýginiń ákimdiginiń ǵımaraty otqa orandy, dep habarlaıdy QazAqparat tilshisi.
Aýyldyq okrýg ákimdigi bir qabatty ǵımaratta oryn tepken. Keleńsiz jaǵdaı tańǵy ýaqytta bolǵan. Órt sóndirýshiler oqıǵa ornyna dereý jetti. Saǵat 08-24-te jalyn tolyǵymen sóndirildi.
«Órt ǵımarattyń jylý beretin bólmesiniń shatyrynda bolǵan. Ol jalpy aýmaǵy 84 sharshy metrdi sharpydy. Oqıǵa saldarynan qaza bolǵandar jáne jaraqat alǵandar joq», - dedi oblystyq tótenshe jaǵdaılar departamenti memlekettik til jáne aqparat tobynyń bas mamany Aıgúl Nurmanova.
