Qyzylordada aýrýhanada balkonnan qulaǵan áıel qaıtys boldy

QYZYLORDA. QazAqparat - Qyzylorda qalasynda aýrýhanada balkonnan qulaǵan áıel kisi qaıtys boldy, dep habarlaıdy QazAqparat tilshisi.

Ol jaıynda áleýmettik jeli betterinde jarııalandy. Onda emdeý oryndarynyń birinde balkonnan qulaǵan áıeldiń qaıtys bolǵany aıtylǵan.

Bul málimetti oblystyq polıtsııa departamentiniń baspasóz qyzmeti rastady.

«6 tamyzda bolǵan oqıǵa boıynsha QR Qylmystyq kodeksiniń 105-babynyń 1-bóligimen qylmystyq is tirkelip, tergep-tekserý júrgizilýde.

Onda ózin-ózi óltirýge barýǵa deıin jetkizý deregi boıynsha jaǵdaıy kórsetilgen. Qylmystyq-protsestik kodeksiniń 201-babynyń talaptaryna sáıkes, tergeý derekterin jarııa etýge jol berilmeıdi», - dep málim etti departamentten.

Buǵan baılanysty oblystyq densaýlyq saqtaý basqarmasy oqıǵanyń mán-jaıy anyqtalyp jatqanyn jetkizdi.

Eske salsaq, budan buryn Qyzylordada polıtsııa qyzmetkerin pyshaqtap ketti.